सरकारी नोकरीच्या प्रतीक्षेत असणाऱ्यांसाठी आता मोठ्या संधी खुल्या होणार आहेत . त्यामुळेच विविध स्पर्धा परीक्षांच्या तयारीसाठी आता सज्ज व्हायला हवे . येत्या काही महिन्यांत केंद्रीय व राज्य स्तरावरील सरकारी विभ...ाग वा आस्थापनांमध्ये अधिकारी तसेच अन्य कर्मचारी वर्गाची मोठ्या प्रमाणावर भरती करण्यात येणार आहे .
मार्च महिन्यात २० राष्ट्रीयकृत बँकांमध्ये ' स्पेशालिस्ट ऑफिसर्स ' या पदासाठी परीक्षा होणार आहे . यात माहिती तंत्रज्ञान अधिकारी , कृषी अधिकारी , हिंदी भाषा अधिकारी , विधी अधिकारी , तांत्रिक अधिकारी , चार्टर्ड अकाउंटन्ट , फायनान्स एक्झिक्युटिव्ह अशा विविध पदांचा समावेश आहे . २० बँकात मिळून ७ ते ८ हजार पदे याद्वारे भरली जाणार आहेत . डिसेंबर २०१२ मध्ये राष्ट्रीयकृत बँकात साधारणत : ५० , ००० लिपिकपदासाठी लेखी परीक्षा झाली . प्रत्यक्ष भरतीची प्रक्रिया यावर्षी होईल .
२८ एप्रिल रोजी स्टेट बँक ऑफ इंडियामध्ये प्रोबेशनरी ऑफिसर्सच्या भरतीसाठी लेखी परीक्षा होणार आहे . यात १५०० अधिकाऱ्यांची भरती होणार आहे . बँकांप्रमाणेच लोकसेवा आयोगाच्या परीक्षांच्याही जाहिराती प्रकाशित होण्यास सुरुवात झाली आहे . ७ एप्रिल रोजी एमपीएससी . २६१ पदांसाठी राज्यसेवा पूर्व परीक्षा घेण्यात येणार आहे . याशिवाय पोलिस उपनिरीक्षक , विक्रीकर निरीक्षक , सहायक या महत्त्वाच्या पदांसाठी एप्रिल , मे , जून या कालावधी पूर्वपरीक्षा होणार आहेत .
केंद्रीय स्तरावर केंद्रीय लोकसेवा आयोगातर्फे १९ मे रोजी ' नागरी सेवा परीक्षा ' ( आयएएस / आयपीएस वगैरे पदांसाठी परीक्षा ) घेण्यात येणार आहे . यावेळी जवळपास १००० जागा यावेळी उपलब्ध असतील , अशी अपेक्षा आहे .
स्टाफ सिलेक्शन कमिशनतर्फे पदवीधरांसाठी घेण्यात येणाऱ्या ' कम्बाइन्ड ग्रॅज्युएट लेव्हल एक्झाम ' मधून २०१२ साली १९००० जागांसाठी भरती झाली . इन्कम टॅक्स इन्स्पेक्टर , टॅक्स असिस्टंट , स्टॅटिस्टिकल इन्व्हेस्टिगेटर , इन्फोर्समेंट ऑफिसर , सीबीआय सब इन्स्पेक्टर , कॅगमध्ये ऑडिटर व अकाउंटंट इ . विविध पदांसाठी या परीक्षेचे आयोजन केले जाते . यावर्षी १४ व २१ एप्रिल रोजी ही परीक्षा घेण्यात येत आहे .
