प्रवेश अर्ज भरलेल्या उमेदवारांनी www.ibps.in या वेबसाईटवरुन आपले कॉल लेटर डाऊनलोड करुन घ्यावं. (कॉल लेटर डाऊनलोड करण्यासाठी आपला रजिस्ट्रेशन नंब...र व पासवर्ड किंवा जन्मतारीख दिलेल्या फिल्डमध्ये भरावी लागते)
परीक्षेला जाताना उमेदवारांनी दिलेल्या वेळेच्या पुरेसं आधी परीक्षा केंद्रावर उपस्थित रहावे.
परीक्षेला जाताना डाऊनलोड केलेल्या कॉल लेटर सोबत स्वत:च्या फोटो आयडेंटिटि प्रूफची मूळप्रत व झेरॉक्सप्रत घेऊन जावी. त्याशिवाय परीक्षेला बसू दिलं जाणार नाही.
तुमचा रोलनंबर व रजिस्ट्रेशन नंबर फोटो आयडेंटिटिच्या झेरॉक्स प्रतीवर लिहावा.
परीक्षेला जाताना बॉलपेन घेऊन जावं.
परीक्षेच्या वेळी कच्चं काम करण्यासाठी कागद परीक्षाकेंद्रातच दिले जातील. परीक्षा संपल्यावर ते कागद परत जमा करणं आवश्यक आहे.
फोटो आयडेंटिटि प्रूफसाठी पासपोर्ट, पॅन कार्ड, ड्राईव्हिंग लायन्सस, मतदार ओळखपत्र, फोटोसहितचं बँकेचे पासबुक, आधारकार्ड यापैकी कोणतेही एक दस्तावेज चालेल.
कॉल लेटरवर पासपोर्ट आकाराचा कलर फोटो लावणं आवश्यक आहे.
ही परीक्षा वस्तुनिष्ठ व ऑनलाईन असल्याने सर्व प्रश्न वाचून नंतर उत्तरे लिहिण्याची महाविद्यालयातील परीक्षेची सवय उपयोगी नाही.
एक प्रश्न वाचून त्याचे उत्तर देऊन मगच दुस-या प्रश्नाकडे वळा.
एखादं उत्तर येत नसल्यास त्यावर जास्त वेळ खर्च करू नये.
एकाच विभागाच्या प्रश्नावर जास्त वेळ रेंगाळू नका. अन्यथा एखाद्या अख्ख्या विभागातील प्रश्न सोडवायचे राहून जाऊ शकतात. परीक्षेत पास व्हायचं असल्यास सर्व विभागात उत्तीर्ण होणं आवश्य़क आहे.
२०० गुणांच्या परीक्षेसाठी २०० प्रश्न विचारले जातील. यासाठी १२० मिनिटं वेळ दिला जाईल. याचाच अर्थ एका प्रश्नासाठी ३६ सेकंद वेळ आहे.
ऑनलाईन परीक्षेची सवय व्हावी यासाठी www.ibps.in या साइटवर मॉक टेस्ट देण्याची सुविधा उपलब्ध केलीय.
सौजन्य महाराष्ट्र टाईम्स
